Huduma za hali ya hewa kwa matumizi ya maji hutoa msaada na ushauri kuhusu masuala ya hali ya hewa ya haidrolojia, usimamizi wa rasilimali za maji na usimamizi wa miradi mbalimbali ya maji ya mito katika Ofisi husika za Bonde la Maji. Huduma hizi zinatumiwa na Wizara ya Maji na sekta nyingine zinazohusiana na maji ikiwa ni pamoja na wahandisi wa rasilimali za maji, mipango ya umeme wa maji, ujenzi, utalii, matumizi ya kibiashara, viwanda na burudani, sekta ya afya na mazingira. Kitengo cha hali ya hewa kwa matumizi ya maji hutoa taarifa za mvua iliyochakatwa kama kiwango cha juu cha mvua  kwa ajili ya kutambua dhoruba na ufuatiliaji wa Mafuriko na Ukame, utabiri wa hali ya hewa wa msimu wa sekta ya maji kwa namna ya ripoti, grafu au ramani.