Dondoo za tathmini ya Disemba, 2023 na mwelekeo wa Januari, 2024:

Taarifa hii inatoa muhtasari wa mifumo ya hali ya hewa pamoja na mwenendo wa hali ya hewa kwa mwezi Disemba, 2023 na kutoa mwelekeo wa hali ya hewa kwa mwezi Januari, 2024 nchini.

i.Katika kipindi cha mwezi Disemba, 2023 maeneo mengi yalipata mvua za wastani hadi juu ya wastani ukilinganisha na wastani wa muda mrefu wa mvua za mwezi Disemba. Aidha, vipindi vya mvua kubwa vilijitokeza katika baadhi ya maeneo na kusababisha athari ikiwemo mafuriko.

ii.Katika kipindi cha mwezi Januari 2024, mvua zinatarajiwa kuendelea katika maeneo mengi yanayopata msimu mmoja wa mvua kwa mwaka. Mvua za nje ya msimu zinatarajiwa katika maeneo yanayopata misimu miwili ya mvua kwa mwaka. Aidha, ongezeko la mvua linatarajiwa katika baadhi ya maeneo.