Maeneo mengi ya nchi yanatarajiwa kuwa makavu.

Kwa taarifa zaidi tafadhali pakua...

MWELEKEO WA MVUA KWA TAREHE 21 - 31 MEI, 2020.

Kanda ya ziwa Victoria (Mikoa ya Kagera, Geita, Shinyanga, Mwanza, Simiyu na Mara): Vipindi vifupi vya mvua zinazoambatana na ngurumo katika maeneo machache (hususani Magharibi na Mashariki mwa ziwa Victoria) vinatarajiwa.

Nyanda za juu kaskazini-mashariki (Mikoa ya Arusha, Manyara na Kilimanjaro): Vipindi vya mvua nyepesi katika maeneo machache vinatarajiwa.

Pwani ya kaskazini (Mikoa ya Tanga, Maeneo ya kaskazini mwa Morogoro, Pwani na Dar es Salaam pamoja na visiwa vya Unguja na Pemba): Vipindi vya mvua katika maeneo machache vinatarajiwa hususani nusu ya kwanza ya dekadi.

Magharibi mwa nchi (Mikoa ya Kigoma, Katavi na Tabora): Hali ya ukavu kwa ujumla inatarajiwa.

Kanda ya kati (Mikoa ya Dodoma na Singida): Maeneo haya yanatarajiwa kuwa makavu kwa ujumla.

Nyanda za juu Kusini-magharibi (Mikoa ya Rukwa, Songwe, Mbeya, Njombe na Iringa): Vipindi vifupi vya mvua nyepesi katika maeneo machache vinatarajiwa hususani nusu ya pili ya dekadi.

Pwani ya kusini (Mikoa ya Mtwara na Lindi): Vipindi vya mvua nyepesi katika maeneo machache hususani nusu ya kwanza ya dekadi.

Kanda ya kusini (Mkoa wa Ruvuma na Maeneo ya kusini mwa Morogoro): Vipindi vifupi vya mvua nyepesi katika maeneo machache vinatarajiwa hususani nusu ya pili ya dekadi.

Kwa taarifa zaidi, tafadhali pakua

MUHTASARI WA HALI YA HEWA KWA MWEZI APRILI, 2020 NA MWELEKEO KWA MWEZI MEI, 2020.

Dondoo za tathmini ya Aprili, 2020 na mwelekeo wa Mei, 2020:

Taarifa hii inatoa muhtasari wa hali ya viashiria pamoja na mwenendo wa hali ya hewa kwa mwezi Aprili, 2020 na mwelekeo wa viashiria pamoja na mwenendo wa mvua kwa mwezi Mei, 2020 nchini.

• Katika mwezi Mei, 2020 mvua za masika zinatarajiwa kuendelea katika maeneo mengi yanayopata misimu miwili ya mvua kwa mwaka (ukanda wa ziwa Viktoria, nyanda za juu kaskazini mashariki pamoja na maeneo ya pwani ya kaskazini) hususani wiki mbili za mwanzo ikifuatiwa na upungufu wa mvua katika wiki ya tatu na ya nne ambapo msimu unatarajiwa kuisha.
• Katika mwezi Aprili, maeneo mengi ya nchi yaliendelea kupata mvua na mtawanyiko wake ulikuwa wa kuridhisha pamoja na hali hiyo vipindi vya mvua kubwa pia viliripotiwa.
• Mvua za Msimu katika maeneo mengi yanayopata msimu mmoja wa mvua zimeendelea kunyesha vizuri katika maeneo mengi na mtawanyiko wake umekuwa wa kuridhisha na mvua hizo zinaelekea mwisho wa msimu. Maeneo machache ya nyanda za juu kusini magharibi yanatarajiwa kuendelea kupata mvua katika kipindi cha mwezi Mei.

Kwa taarifa zaidi tafadhali pakua;

Dondoo muhimu za mvua za Aprili-Mei 2020

Taarifa hii inatoa uchambuzi na mrejeo wa mwenendo wa mifumo ya hali ya hewa na mwelekeo wa mvua katika kipindi cha mwezi Aprili – Mei, 2020, ushauri kwa wadau wa sekta mbalimbali kama vile Kilimo na Usalama wa Chakula, Mifugo na Wanyamapori, Maliasili na Utalii; Nishati na Maji; Mamlaka za Miji, Afya pamoja na Menejimenti za Maafa. Mambo muhimu katika taarifa hii ni:-

i.Mvua kubwa zilizonyesha katika kipindi cha mwezi Machi na zile ambazo zinatarajiwa kunyesha katika mwezi Aprili na Mei zitasababisha msimu kuwa na mvua za wastani hadi juu ya wastani katika maeneo mengi ya mikoa ya Dar es Salaam, Pwani (ikijumuisha kisiwa cha Mafia) pamoja na kaskazini mwa mkoa wa Morogoro hadi kufikia mwisho wa msimu wa mvua za Masika.

ii.Maeneo mengi yanayopata mvua za Masika (Nyanda za juu kaskazini mashariki, pwani ya kaskazini, ukanda wa Ziwa Victoria) yanatarajiwa kupata mvua za juu ya wastani katika wiki mbili za mwanzo wa mwezi Aprili, 2020 ikifuatiwa na upungufu katika wiki mbili za mwisho za mwezi.

iii.Katika kipindi cha mwezi Mei, 2020 hali ya ukavu itakayoambatana na vipindi vichache vya mvua inatarajiwa katika maeneo mengi yanayopata mvua za Masika ambapo msimu unaelekea kuisha.

iv.Aidha, mvua za Msimu (Novemba-Aprili) zilizoanza mwezi Novemba, 2019 katika maeneo yanayopata msimu mmoja wa mvua kwa mwaka zinatarajiwa kuisha katikati ya mwezi Aprili, 2020 katika maeneo mengi.

Athari zinazotarajiwa:

i.Mvua za kutosha katika maeneo yanayotarajiwa kupata mvua za wastani hadi juu ya wastani, zinatarajiwa kunufaisha uzalishaji wa mazao mbalimbali yakiwemo yale yanayostahimili unyevunyevu mwingi ardhini kama vile mpunga. Aidha, uwepo wa malisho na maji ya kutosha kwa ajili ya mifugo na wanyamapori vinatarajiwa.

ii.Milipuko ya magonjwa na wadudu waharibifu vinaweza kujitokeza kutokana na hali ya unyevunyevu na kutuama kwa maji.

iii.Uchimbaji wa madini ufanyike kwa kuzingatia utabiri uliotolewa kwani ongezeko la maji katika udongo linaweza kusababisha maporomoko ya ardhi hususan katika maeneo yanayotarajiwa kupata mvua za wastani hadi juu ya wastani.

iv.Vipindi vifupi vya mvua kubwa vinaweza kujitokeza hata katika maeneo yanayotarajiwa kupata mvua za wastani hadi chini ya wastani, hivyo jamii inashauriwa kuchukua hatua stahiki kupunguza athari zinazoweza kujitokeza.

Kwa taarifa zaidi tafadhali pakua